بِسْمِ اللَّهِ الرَّحْمَٰنِ الرَّحِيمِ

Асқа шақыру

Ардақты ағайын-туыс,
құда-жекжат, дос-жаран!

Атамыз Қожахметов Хайролланың дүниеден озғанына 40 жыл, әжеміз Есова Алманың дүниеден озғанына 15 жыл толуына орай беретін асымызға шақырамыз.

Қожахметов Хайролла, 1909—1986
Қожахметов
Хайролла 1909 — 1986 40 жыл
Есова Алма, 1922—2011
Есова
Алма 1922 — 2011 15 жыл

Жеңістің 80 жылдығына орай

Хайролла Қожахметов атамыздың атына көше атауы берілді

Атырау қаласы, Самал шағын ауданы, №1 өткел

Ұлы Отан соғысындағы Жеңістің 80 жылдығына орай, Қазақстан Республикасы Президентінің тапсырмасына сәйкес, майдангер ардагерлеріміздің есімдері көшелерге берілуде.

Атырау облысы әкімдігінің 2026 жылғы 19 маусымдағы №111 бірлескен қаулысы және Атырау облыстық мәслихатының №238-VIII шешіміне сәйкес, Атырау қаласы, Самал шағын ауданындағы №1 өткелге атамыз Қожахметов Хайролланың есімі берілді.

Күні 10 қазан 2026сенбі
Уақыты Сағат 12:00
Өтетін орны QUEEN банкет залы
Мекенжайы Атырау қаласыТайманов көшесі, 110

Балалары, немере-жиендері

Өмірбаяны

Қожахметов Хайролла

1909 — 1986

Хайролла ата 1909 жылы Гурьев облысы, Есбол — құжаттарда Испул — ауданы, Құрылыс селосында кедей шаруа отбасында дүниеге келген. Он екі жасында, 1921 жылы, әкесі Қожахметтен айырылып жетім қалды да, байлардың малын бағып, отбасын асырады. Ауыл мектебінде төрт кластық білім алды.

1931—35
«Еңбек» колхозында хатшы, кассир
1935—38
«Еңбек» колхозының төрағасы қазан 1935 — қыркүйек 1938
1938—41
Бақсай аудандық мемлекеттік сақтандыру мекемесінде учаскелік инспектор
1941—42
«Еңбек» колхозының төрағасы
1942
Есбол аудандық әскери комиссариатынан майданға аттанды 9 маусым
1945—47
Есбол аудандық мемлекеттік сақтандыру мекемесінде бас инспектор
1947—50
«Красный Октябрь» колхозының төрағасы
Майдан жолы · 1942—1944

1942 жылдың 20 шілдесі мен 1944 жылдың 5 қаңтары аралығында II Прибалтика майданы, 51-гвардиялық атқыштар дивизиясының 158-гвардиялық атқыштар полкында, кейін Солтүстік-Батыс майданы, 370-атқыштар дивизиясының 1232-атқыштар полкында екінші нөмірлі минометші болды.

Невель ауданындағы шабуылдарға минометшілер қатарында қатысып, 82 мм минометтен оқ жаудыра отырып, елді мекендерді азат етуге атсалысты. Ұрыстарда екі ауыр жарақат алып, мүгедек болып елге оралды.

82мм миномет
10азат етілген елді мекен
2ауыр жарақат
Марапаттары
  • Бірінші дәрежелі Ұлы Отан соғысы орденіЦАМО мұрағаты · құжат №85 · 06.04.1985
  • Қызыл Жұлдыз орденіөз қолымен жазған өмірбаянында көрсеткен
  • «Ерлігі үшін» («За боевые заслуги») медалі
  • Төрт мәрте алғыс хатөз өмірбаянында көрсеткен

Соғыстан кейін елді көтеру жұмысына араласты. Аяғындағы снаряд сынығын сол кездегі дәрігерлер ота жасап ала алмай, жарақаты сыр беріп, жұмыстан қалды.

Индер ауданы, Құрылыс ауылындағы орта мектептің іргетасын қалаушылардың бірі болды. Атырау қаласындағы №4 орта мектепте қазақ сыныбының ашылуына қосқан үлесі орасан.

Хайролла ата 1986 жылы, 77 жасында өмірден озды.

Жатқан жерлері жарық, иманы жолдас болсын.
Алла тағала топырақтарын торқа, жатқан жерін жәннат етсін.

10 қазан 2026 · Атырау қ., Тайманов көшесі 110